5. MAILAKO BLOGA

Itziar liburuzainak, ZIRRIBORROTIK IPUINERA erakusketa eskolara ekarri du. Bertan, Eneko Etxegarai  idazleak eta Eduardo Rodríguez ilustratzaileak, elkarrekin nola lan egiten duten azaldu digu. Bi artista hauen prozesu sortzailearen nondik norakoen berri eman digu eta asko gustatu zaigu. Astebetez eskolako liburutegian ikusgai egongo da. Ez galdu aukera eta pasa zaitez!! Eneko Etxegarairen blogean hainbat baliabide dituzu: http://www.enekoetxegarai.com/ipuinkontalari-1/marixaren-baserrian    

Gaur mundu mailan LGTB (lesbiana, gay, transexual eta bisexual) Harrotasunaren eguna ospatzen da. Bideo hauek ikusiaz eta zalantzak argituz gaia landu dugu. Ondoren eskolako pasabideetan horma-irudiak itsatsi ditugu.

Aro Modernoa lantzen ari gara, eta garai horretako pertsonaia garrantzitsuen bilduma bat osatu dugu.

Astearte goizean, Gasteizko alde zaharrean barna, gynkana jolasari hasiera eman genion. Lau taldetan banatuta, ikasle bakoitzak kale-mapa bat, gomets gorriak eta galdera sorta orri batekin, lehenengo urratsa irakurri genuen eta alde zaharreko eraikuntza garrantzitsuak identifikatu eta ezagutu genituen. Horrela aritu ginen goiz osoan, gure ondare garrantzitsua ezagutu eta ondo pasatzen!! GYNKANA GASTEIZKO ALDE ZAHARREAN

Gasteizko Beñat Etxepare gizarte etxean, Teatro Paraíso konpainiaren “ Erpurutxo ” antzezlana ikusi dugu. “ Erpurutxo ” obran, Charles Perrault-en ipuinean dauden gaiak lantzen dira, abandonuari garrantzia ematen zaio eta egungo gizartearekiko paralelismoak agerian uzten dituen egoera bat agerrarazten da.

Prudentzio zaindariaren egun handia ospatzeko,  eskolako ikasle eta irakasle guztiak sukaldariz jantzi gara. Patioan ondo landutako abestiak ikusle guztiei antzeztu dizkiegu. Denok eraman dugu itsatsita logotipo txapeldunaren irudia eta tanborrei burrunba izugarria atera diegu!!